هل طبيعي اللي يصير فكتوريا 2001

ماعليه الا العافية ، حنا ترى ماجربنا الموتر ولا شفناه على الطبيعة عشان نقدر نحكم عليه ينفع ولا لا

لكن شيك على عضلاته والتالف زبطه ، والقير والمكينة انت ادرى بها كان القير مافيه تفويت ولا فيه مشاكل والمكينة نظيفة مايبي لها شنبر ولا غيره وزيته ماينقص دق سلفه وتوكل على الله بيمشيك اكثر من سنة

ولمبة cheek تولع على اتفه الاسباب دام الموتر ممشاه طيب ولا فيه تفتفه ولا طفيات ماعليه توكل على الله

بالتوفيق

بخصوص البنزين هل هو طبيعي يعني ٣٠٠ كيلو مقابل ٣٠ ريال مقبول ولا في صفاية البنزين او طرمبة البنزين

الفورد فله يمشيك 700 كيلو او اكثر ولا اقل على حسب سرعتك 
فوردي اعبيه فل اخضر ب 30 وامشي فيه 250 كيلو على سرعة بين 120 و140
وعداد البانزين ثابت على الفل والمكينة عندي مبوشة 

كن امشي من الطايف لحد القويعيه تقريبا 600 كيلو 
على سرعة 125 مع تشغيل المكيف 
يمشيني التاكني من الطايف لحد القويعيه يعني تقريبا 600 كيلو

داخل المدينه المفروض يمشيك 370 كيلو 
خارج المدينه مع السرعه المثابته يمشيك بالكثير 600 كيلو على حسب نظافة السياره

العضلات اذا بتغير وبتخلي السياره معك
خذها وكاله فقط
لان اللي برا كلها تجاريه 

طيب كم فيه يوم تعبيه ثلاثين هل هو فاضي مرررة على E ولا على الربع تزيده ثلاثين ، يعني اللي ابي اوصل له اذا شديت التانكي على كم ثلاث ارباعه ولا فل

ولين رجعت كم يبقى فيه الربع ولا اقل ولا كم ؟؟؟ لازم توضح اكثر

لكن عموماً صرفيته شوي زايده بس مايضره لأن المفترض ترجع يبقى فيه تحت النص الثلث على الربع وعلى حسب دعستك ترى

30 ريال كثيره بالله 
انا افلل السياره ب 55 هههههههه ومشوارين وهي  على النص
هههههههه
 

غير الصفايه وفلتر البنزين ويختلف معك السياره للأفضل باذن الله

اذا رجلك ثابته ع البنزين وسرعتك مابين ما تزيد عن 140 فعندك مشكله...

بالعاده الفورد يكفي في المدينه حوالي 400 كيلو وخارج المدينه في سياقه معتدله 600 كيلو تقريبا

يارجال اي سياره 8 سلندر 100 كم يحتاج الى 10 بنزين حتى الكوابرس القديمه نفس الصرفيه 

شوف اخوي
بشكل عام السيارات مصممة على انها تمشي معك في الفل 500 كيلو كحد ادنى يعني ممكن تزيد عن الممشى
بغض النظر عن السيارة وحجمها
فاذا السيارة تمشي اقل من 500 كيلو يكون فيها مشكلة
خاصة انك تقول تمشي خارجي 300 كيلو
نصيحتي لك تشيك على البخاخات لانها ممكن تكون تبخ بشكل سريع
واذا تبي تحل المشكلة من جذورها شيك او غير سينسور الاكسجين
واسأل عن نوع الوقود المستخدم وعبي منه
هذي اهم الاشياء الي تسبب استهلاك للوقود بشكل كبير
موفق اخوي

توضيح لنقطة ان السيارة تمشي 500 كيلو بغض النظر عن الحجم
لان حجم التنكي لسيارات ال 8سلندر غير حجم ال 4سلندر
فهم يصممونه على انه يمشي 500 كيلو

هذا فورد فورد ماتعرف الفورد لو انه اكسنت كان اشوى 

اعتقد الجميع راح يفهم كذا مو كل واحد يفتي من راسه نظف بخاخات والثاني يقول غير طرمبه هههههه الرجال ماقال في الموتر تقطيع او نتعه وبلاش فلفسه على غير سنع وصرفيته طبيعه جدا جدا 

معاي فكتوريا 2002 داومت عليه سنتين الطايف مكه ولمبة المكينه
شغاله ولمبة البطاريه كذلك والعضلات ماعندك احد ، ماشاءالله ما اذكر
انه تعطل علي ولا مره ولله الحمد ، يكرف كرف غير طبيعي 
زد على ذلك الطلوع اليومي مع الهدا والمكيف شغال (:

لكن انت تأكد من المحركات بكشف كمبيوتر اول شي والعضلات 
بسيط امرها ، واهم شي الدفرنس اغلب الفوردات يطلع لك ونه 
في الدفرنس

بخصوص البنزين اعتقد مافي شي غير طبيعي 
هذي صرفية الامريكي بحكم حجم المكينه

ما قصرتو واللي يسال عن البنزين كل يوم وانا ما احركه اله من الدوام الى الدوام بحمم انه قديم
واذا عبيته بنزين ب ٣٠ وانا راجع لازم اعبي ب ٥ او ب١٠ عشان يرجعني

البنزين صرفيته كطبيعي ...ويفضل انك تثبت االسرعة على 140
وبخصوص االعضلات مر ميزان االمنصور وشيك عليها 

اذا كان زيت مكينتك 20W50 صرفيتها طبيعي 
ونصيحتي لك افحص كمبيوتر ترا ممكن خلل بسيط وتتركه ويسبب لك بلاوي